Desgaitasuna duten pertsonei lana ematen dien Gureak enpresa talde gipuzkoarraren negozioa %22 hazi da; bere ia jarduera guztiak berreskuratu eta gero, 2014ean baino 231 langile gehiago ditu.
Joan den apirilaren 9an, taldearen emaitza ekonomikoak aurkeztu zituzten Donostian egin zuten prentsaurreko batean. 2015eko lehen hiruhilabetekoan, esaterako, beste 300 langile kontratatu ditu bere proiekturako. Guztira, 4.800 langile dira dagoeneko, horietatik %90 inguruk nolabaiteko desgaitasuna dute.
2014ean, berriz, Gureak taldeak 151 milioi euroko diru-sartzea lortu zuen: %84 salmenta komertzialen bidez, eta %16 laguntzen eta beste diru-sartzeen bidez. Gehienak Lanbide eta Gipuzkoako Diputazioak emandako laguntzak izan ziren. Gureak, aldiz, gizarteari, zergen bitartez, jasotzen duena baino gehiago itzultzen dio. 2014an, 35,2 milioiko diru-sartzea izan zuen laguntzei eta gizarte-segurantzako hobiei esker, baina 35,3 miloi ordaindu behar izan zituen, BEZA, PFEZa, gizarte-segurantzan eta sozietate-zergak direla eta.
Gorantz doazen sektoreak ardatz hartuz lortu du Gureak taldeak bizitako hazkundea; bereziki, balio erantsia duen logistikan, automobilgintzaren eskaeran eta energia berriztagarrietan, aparatu eta osagarri elektrikoetan, igogailuen sektorean eta etxeko konfortean.
Negozioaren dibertsifikazioa taldearen apustu nagusienetakoa da, 2014ean 7,3 miloi euroko inbertsioa egin zuen.
Iturria: Noticias de Gipuzkoa