GEZKI institutuak Gizarte-ekonomiari buruzko euskal aldizkariaren ale berezia argitaratu du X. urteurrenagatik.
Ale hori ,“Krisiari Erantzuten Gizarte Ekonomia eta Ekonomia Solidariotik” izenburupean, euskaraz idatzita dago eta Aitor Bengoetxeak eta Mertxe Larrañagak koordinatu dute.
Aldizkarian artikulu hauek irakur daitezke: “Ekonomia sozial ezta solidarioa: zer da eta nola ulertzen da?”, Juan Carlos Perez de Mendigurenek eta Enekoitz Etxezarretak idatzia; Mertxe Larrañagak eta Yolanda Jubetok sortutako “Ekonomia solidarioa eraikitzen feminismotik eta gaitasunen ikuspegitik”; “Ekonomia sozial eta solidarioa; landakoa eta feminista?”, Leticia Urretabizkaiak egina; “Finantza etikoak, ekonomia solidarioaren aldeko tresna politikoak”, Cristina de la Cruzek idatzia; Aitor Bengoetxeak sortutako “Krisia eta enpleguaren lehentasuna kooperatibetan”; Itziar Villafañezen“Kooperatiben konkurtsoaren inguruan zenbait datu eta hausnarketa”; Jon Morandeirak idatzitako “Euskal gizarte ekonomiaren bilakaera krisi garaian”; “Interkooperazioa enpleguaren euskarri”, Baleren Bakaikoak egina; Anjel Errastiren eta Aitziber Nuñezen“Enpresa ereduen transferentzia: Mondragon taldeko multinazional koopitalisten kasua”; “Autoeraketa exijentea kooperatiben potentziala”, Ainhoa Larrañagak idatzia; “Gizarte-ekonomia eta gizarte-enpresak: krisi garaitarako irtenbide bat eta aukera juridiko desberdinak”, Igone Altzelairena; eta “Ekonomia sozial eta solidarioko erakundeen kudeaketa krisi garaian: oreka ekonomiko-finantzario eta soziala ahalbideratzeko lanabesak” Unai del Burgok, Baleren Bakaikoak, Maria Jesus Luengok eta Eduardo Mallesek sortua.
260 orriko ezohiko ale horretan aldizkariaren hamargarren urteurrena azpimarratu nahi izan da eta, bide batez, lehen urteetan REVES-eko arduradunak izan ziren Baleren Bakaikoari eta Santiago Merinori omenaldia egiteko aukera izan da, Euskadiko gizarte-ekonomiaren bilakaera zientifikoari egindako ekarpenengatik, hain zuzen.
Iturria: OVES/GEEB