Arantxa Arocena Euskadiko Kooperatiben Goren Kontseiluko idazkari nagusi teknikoa izendatu berri dute; Juan Luis Arrieta ordezkatu du , 27 urtez lanpostu horretan egon eta gero.
Arantxa Arocena Gómez, Lizartzakoa izatez (Gipuzkoa), zuzenbidean lizentziatu zen Euskal Herriko Unibertsitatean. Gipuzkoako Garraioen Lurralde Agintaritza Partzuergoko zuzendari izan da eta 2012tik Innoledge S.L. enpresaren bazkide sortzailea, negozio garapenerako aholkularitza arloan. Bestalde, 2006-2008 urte bitartean, unibertsitate eta enpresen arteko harremanen arduraduna izan zen Mondragon Unibertsitateko Enpresa Zientzien fakultatean. Horretaz gain, EHUko hainbat masterretan irakasle izan da; esaterako, Garraio Sistemen master ofizialean eta Enpresa Abokatua izateko masterrean. Mondragon Unibertsitateko Enpresa graduko irakasle ere izan da. Bere publikazioen artean, Conocimiento aldizkarian argitaratutako “Un código de buenas prácticas profesionales para el transporte” eta “La normativa reguladora del transporte” topa ditzakegu. Gipuzkoako Garraio enpresen elkarteko Bidean aldizkariko zuzendaria ere izan zen.
Jubilatzeko garaia iristean, Juan Luis Arrieta Pagalday Euskadiko Kooperatiben Goren Kontseiluko idazkari nagusi teknikoa izateari utzi dio. Lanpostua 1988an lortu zuen, eta orduz geroztik fase guztiak bizi ditu. Laboral Kutxako enpresa arloan 1974.urtetik aurrera ibili zen; CSCE/EKGEn sartu zen gero, eta bertan Mondragon Taldeko kide izango ziren kooperatibekin harremanetan jartzen hasi zen. CSCE/EKGEn hasi zenean, berriz, entitate publikoekin hasi zen lanean, gobernuarekin eta parlamentuarekin, besteak beste. Idazkari izan zen urteetan, kooperatibismoa hedatzeko eta sustatzeko jarduerak jarri zituen martxan.
Iturria: OVES/GEEB