Otsailean bi euskal enpresek gizarte-ekonomiako nazioarteko bi erakusketatan parte hartu dute.
Alde batetik, Soraluce eta Danobat kooperatibek osatutako eta Mondragon taldeko kide den Danobat Groupek gasaren eta petrolioaren sektorearekin lotura duten azken makina-erreminta modeloak aurkeztu zituen HOUSTEX ferian, otsailaren 26tik 28ra bitartean Texasen (USA).
Bestetik, IK4-Ikerlan EMBEDDED WORLD 2015 erakusketan egon zen, otsailaren 24tik 26ra, Nürembergen (Alemania). Han garraioaren, ekipo-ondasun industrialaren, energia eolikoaren eta goratze-sistemen sektoreekin lotutako hainbat produkturen garapena erakusteko aukera izan zuen. IK4-Ikerlan ahalegin handia egiten ari da txertatutako sistemen inguruan I+G bultzatzeko. Gailu elektroniko horiek jarrita dituzten objektuen bat edo zenbait funtzio era egonkor eta fidagarrian kontrola daitezke; besteak beste, ibilgailuetan, industria-makinetan edota aerosorgailuetan. Sistema horiek industrian lehiakortasuna bultzatzen dute, baita ezarrita dituzten objektuen ezaugarriak, seguritatea eta eraginkortasuna areagotu ere. Horrek, gainera, balioa eransten die merkatuan. IK4-Ikerlan nazioarteko erreferentzia bat da dispositibo mota horien garapenean, beste enpresa askorekin lankidetzan aritzeak eman dion eskarmentuari esker.
Iturria: TU Lankide