Azaroaren 18 eta 19an Oinarrizko Errentaren XVI. Sinposioa egin zen Sarrikon, bertan, leku ezberdinetatik iritsitako hainbat adituk baldintzarik gabeko Oinarrizko Errenta indibidualaren sorrera defendatu zuten.
Jardunaldi honetan gizarte bateko gizabanako bakoitzari bizitza duin bat bermatuko dion diru sarrera bat ematearen ekimenaren inguruko iritzi eta korronte ezberdinak ezagutu ahal izan ziren. Bertaratu zirenek lau mahai-inguruak jarraitzeaz gain, aurkeztutako komunikazioak (adituek idatziko informeak) ezagutu eta “In the same boat” pelikula ikusi ahal izan zuten.
Krisialdi ekonomikoa dela eta, geroz eta ahots gehiagok eskatu dute herritar guztientzat bermatutako Oinarrizko Errenta baten sorrera. Eskubide honen helburua herritarrei askatasuna eta lasaitasuna ematea izango litzateke.
Aurkezpen guztiek Oinarrizko Errenta ardatz izan zuten, eta honen bideragarritasunaren eta abiaraztearen inguruko hainbat ikerlan ezagutzera eman ziren.
Bestalde, EHU eta GEZKI buru belarri lanean ari dira Oinarrizko Errentaren gaiaren inguruko proiektua aurrera ateratzeko, eta honetarako, erkidegoko beste erakundeekin batera lan egiteaz gain, munduko unibertsitateen koordinazio lantzea dute helburu.
Angel Elías Ortegak (EHU, GEZKI) idatzitako “Algunas virtualidades de la Renta Básica” artikulua
Jardunaldiaren informazio gehiago hemen
Iturria: redrentabasica.org