Mondragon Unibertsitateak hitzarmen bat sinatu du Mondragon Internacional-ekin Erakundeak Nazioartekotzeari buruzko Unibertsitate Masterra abian jartzeko. Ikasleek aurrez aurreko heziketa jasoko dute 12 hilabetez, Bilbao Berrikuntza Faktorian (Bilbo), eta atzerrian enpresa batean egoteko aukera izango dute sei hilabetez.
Helburua partaideek lanean dauden profesionalek behar dituzten eskumenak eskuratzea da, nazioartean bizitako esperientzien bidez, enpresen nazioartekotzeko esperientziak garatzeko, kudeatzeko eta gidatzeko. Masterra lagungarri izango da munduko hainbat lurralderekin lotutako edukiak lantzeko: Europa, Asia, Pazifikoa, Hegoamerika, ABE, Kanada eta Mexiko, Magreb eta Arabiar Herrialdeak eta Afrika
Zentzu horretan, eskola-egutegia betetzen den bitartean, ikasle guztiak txandaka arituko dira ikasten eta inguruneko nazioarteko enpresa batean praktikak egiten; aurrez aurreko prestakuntza amaitzen denean, enpresa horren bitartez sei hileko egonaldia egingo dute atzerriko merkataritza-filial edo produkzio-filial batean.
Masterraren prestakuntzak bi zati ditu. Lehen moduluan, globalizazioaren testuingurua landu, enpresa baten nazioartekotze-ahalmenaren diagnostikoa egin, kokagunea aukeratu eta, azkenik, nazioarteko enpresa baten kudeaketa globalaren gakoak emango dira. Bigarren moduluan, prestakuntza egokitzapen geografikoan sakondu eta zentratuko da; bertan, munduko hainbat lurralderekin lotutako edukiak landuko dira era sakonean.
Iturria: TULANKIDE