IK4ko zuzendaritza organoak berritzearekin batera, Iñaki Otaño izendatu dute presidenteorde berri. Zuzendaritza Nagusiaren buru izaten jarraituko du José Miguel Erdozainek.
IK4 erreferentziazko aliantza teknologikoa da Berrikuntzaren Euskal Sisteman. 2005ean sortu zen, federazio-ereduarekin bederatzi zentro bateratuz. Guztiek estrategiak partekatu eta gaitasunak uztartzen dituzte enpresa handien berrikuntza-beharrei soluzio globalak emateko. IK4 eredugarria da Europan; izan ere, zientzia eta teknologia arloetako korporazio pribatu nagusien artean dago; administrazio publikoek bultzatutako ikerketa proiektuetan partaidetza gehien duten erakundeen artean, hain zuzen.
IK4ko presidente berriak IK4-Ikerlanen ekin zion bere ibilbide profesionalari. Hamabost urtez egin zuen lan bertan, eta garai batez kontseilu errektoreko kide ere izan zen. Ostera, Goizper kooperatibako Produktu Garapen arloko zuzendari bilakatu zen. Lau urte geroago, Oronara lekualdatu zen, eta egun enpresa horretako Korporazio, Sustapen eta Marketin Zuzendaritzaren ardura du, IK4-Ikerlaneko presidente izateaz gain.
Iturria: TULANKIDE