Desgaitasuna duten pertsonentzat, batik bat adimen urritasuna dutenentzat, lan-aukerak eskaintzen dituen GUREAK entitateak 40 urte bete ditu. 1975eko abuztuan sortu zen Talleres Protegidos GUREAK S.A. izenarekin.
Egun, 5.000 pertsonak osatzen dute GUREAK, lanpostu normalizatu eta okupazionalak nahiz prestakuntza jasotzen ari diren pertsonak kontuan hartuz. GUREAK taldeko lehendakari Iñaki Alkortak jakinarazi duenez, hurrengo hamarraldirako erronka nagusietakoa izango da politika publikoak zein norabidetan garatuko diren igartzea, bai gizarte-politikak eta bai pertsonen lan-aktibaziorako politikak. Horren helburua litzateke desgaitasuna duten pertsonen eta horien familien behar aldakorrak hautematea eta horiei erantzuna ematea.
Iturria: Iñaki Alkortaren bloga