CIRIEC-Españako Ikertzaileen Direktorio berri bat dago eskuragarri, Ekonomia Sozialean eta Kooperatibetan erreferentzia den elkarte zientifikoak argitaratzen duen laugarrena, eta lehenengo on-line bertsio osoa. Direktorioa bi urteko lanaren ondoren argitaratzen da. Bertan, espainiar estatuko 359 ikertzaile unibertsitarioren, unibertsitatez kanpoko 22 ikertzaileren eta 147 ikertzaile atzerritarren datuak bildu dira. Direktorioak estatuko Gizarte Ekonomiako ikerketa-zentro eta institutuei, unibertsitatearen eta enpresaren katedrei eta REJIES sareari buruzko informazioa ere ematen du.
Direktorio horrek adierazten du badela komunitate zientifiko indartsu eta sendo bat, emakumeek eta gizonek osatua, kooperatibismoa eta gizarte-ekonomia aztergai dituena.
CIRIEC-Españako presidenteak, Adoración Mozas irakasleak, azaldu duenez: “Ekonomia Soziala aztertzen ari garen ikertzaileok badakigu sektorearen erronka nagusietako bat ekonomian duen garrantziagatik merezi duen ikusgarritasuna lortzea dela”. “Ikuspen horrekin” —gaineratu du—, “duela hamarkada batzuetatik gizartearen zerbitzura egon den sektore bat aintzatetsiko dute bai botere publikoek bai pribatuek”.
Direktoriora joateko (gazteleraz), sakatu hemen.
Informazio gehiago (gazteleraz), sakatu hemen.
Iturria: Observatorio español de economía social