UPV/EHUko Uda Ikastaroek 191 proposamen biltzen dituzte, maiatzaren 28tik urriaren 27ra bitarte garatuko direnak, eta proposamen horietako askok 2018ko gizartearen zeharkako eztabaida egiazkoei erantzuten diete. Hainbat gai jorratuko dira ikastaroetan: gizartearen zahartzea; emakumeek emakume izate hutsagatik gainditu behar dituzten oztopoak; gizarteko delinkuentzia modu berriak; gizarteko aurrerapenak gure bizitza modu osasuntsu eta duinean luzatzeko, edo, paradoxikoki, suizidioaren fenomenoa; giza arrastoaren eraginak gure planetan; hezkuntzaren eta sozializazioaren arloko modu berriak, edo asaldatzen gaituzten gatazka politikoak. Zeharkako sei ziklo izango dira: XXI. mendeko hezkuntza; jasangarritasunaren balioa; kultura demokratikoa; demografia eta zahartzea; genero ikuspegia, eta nazioarteko nahiz Europako hedadura.
Edizio honetan, Gizarte Ekonomia eta Solidarioaren eremuko hainbat ikastaro eskainiko dira, horien artean, kooperatiben erregulazioaren erronkak landuko dituena, bertan parte hartuko duelarik GEZKIko kide den Itziar Villafañez irakasleak.
Publikoari irekitako 13 jarduera izango dira, eta bertan parte hartuko dute, besteak beste, Kirmen Uribek, Emilio Calatayud epaileak, Planeta saria jaso duen Javier Sierrak, Juan Velázquez idazleak edo Begoña Ibarrolak.
Iturria: UPV/EHU