Nazioarteko XIV. RULESCOOP Biltzarrean izena emateko epea zabalik da

16 uztaila, 2021 | Kategoriarik gabe

2021eko urriaren 7an eta 8an XIV. Nazioarteko RULESCOOP Biltzarra egingo da Almeriako Unibertsitatean (Espainia), Gizarte Ekonomiaren eta Enpresa Kooperatiboaren Zuzenbideko Ikerketa Zentroaren (CIDES) eskutik. Bertan Gizarte Ekonomia eta Zuzenbide Kooperatiboaren Institutuak (EHU) ere parte hartuko du. Kongresu honen gai orokorra “Identitate kooperatiboa: ekonomia kooperatiboaren eta solidarioaren elementu bereizgarriak balioztatzea” da.

Kongresua aurrez aurre nahiz online egingo da, eta 5 gai ardatz jorratuko dira:

  • Kooperatibaren printzipioak eta balioak Ekonomia Kooperatiboaren eta Solidarioaren ikur bereizgarri gisa
  • Kooperatiba faltsuak zergatik sortzen dira eta nola saihestu?
  • Balioekin ekitea: gizarte-ekimena
  • Enplegu kooperatiboa identitate kooperatiboaren ikur gisa
  • Berrikuntza iraunkorrak kooperatibatzea

Izena emateko epea 2021eko uztailaren 31n bukatuko da, Kongresuaren web orriaren bidez.

Iturria: RULESCOOP