Azaroaren 16an eta 17an Donostiako Kursaalean Gizarte Ekonomiako Enplegu Azoka-FESLAN egin zen, Donostiako hiriburutzaren esparruan, Lanbideren eta Eusko Jaurlaritzako Lan eta Enplegu Sailaren eskutik.
“Gizarte-ekonomiaren etorkizuna zu zara” lemapean, ekonomia-jardueraren sektore guztiak bildu zituen tamaina guztietako enpresekin: enpresa-talde handiak, Europako eta munduko liderrak kasu batzuetan, ETEak eta mikroETEak, hainbat arlo estrategiko barne.
Azoka horren barruan, Biltzar bat egin zen, gizarte-ekonomiako hainbat familiaren ahotsak entzuteko aukera eman zuena; besteak beste, ASLE, EHLABE, GIZATEA, REAS, FUNKO, KONFEKOOP eta Mondragon, EHU eta Deustuko euskal unibertsitateak.
“Gizarte-ekonomiako euskal familiekin hausnarketa partekatua Gizarte-ekonomiako unibertsitate-prestakuntzari buruz” izeneko txostenari buruzko ponentzia egin zuten: Aitziber Etxezarretak, EHUko GEZKI, Zuzenbide Kooperatiboaren eta Gizarte Ekonomiaren Institutuko zuzendaria; Marta Encisok, Deustuko Unibertsitateko irakasle titularra eta Kooperatibismoaren eta Gizarte Ekonomiaren arloko ikertzailea; Saioa Arandok, Mondragon Unibertsitateko Enpresagintzako Lankidetza eta Koordinazio Zientifikoaren arloko koordinatzailea.
Azoka horrek Ekonomia Soziala alternatiba sozial eta ekonomiko gisa sustatzen lagundu nahi izan zuen. Zalantzarik gabe, FESSLAN ekimena, kalitateko enplegua eta talentua erakartzeko tresna izan zen. Azoka profesionalentzat, ikasleentzat eta, oro har, herritarrentzat izan zen. Standak bi gunetan banatu ziren, erakundearen eta/edo enpresaren tipologiaren arabera.
INDUSTRYLAN izan zen industria-sektorearen topagunea, non lan-eskatzaileek gizarte-ekonomiako erreferenteak aurkitu ahal izan baitzituzten arlo horretan. SERVICELANek zerbitzuen sektorean garrantzi handiena duten IHko agenteak izan zituen. Era berean, Enplegu Zerbitzuetako hainbat ordezkari (Lanbide…) bertan izan ziren eta beren espazioa izan zuten.
Iturria: DonostiaSan Sebastián 2023