ESSCOOP Sarearen web orria aurkeztu dute

13 azaroa, 2020 | Kategoriarik gabe

ESSCOOP hezkuntzan kooperatibismoa, ekonomia soziala eta solidarioa sustatzeko sarea da. Lanbide Heziketan eta Bigarren Hezkuntzan ekintza-esparru partekatuak pentsatzen eta eraikitzen hasteko beharretik sortzen da, maila guztietan gertatzen ari diren aldaketa azkarrei eta kualifikazio eta espezializazio handiko lanbide-profil berrien merkatuaren eskaerei erantzun ahal izateko, eta, gainera, talde-lanean eta lankidetzan funtsezko eskumenak izateko.

Web orrira joateko, sakatu hemen  eta eginiko online aurkezpena ikusteko, hemen.

Proiektuak eremu horretan dauden hezkuntzako eta ekonomiako profesionalen ahaleginak batu nahi ditu, ESSCOOP ekimenen bidez ikasgelan ekimena garatzeko baliabideak, ekintzak eta ezagutzak partekatu nahi baitituzte.

Baliabideen artean, liburutegia nabarmentzen da. Bertan, irakaskuntzarako dokumentazioa eta baliabideak (material teorikoa, bibliografia, gida didaktikoak, ikus-entzunezko materiala…) deskarga daitezke, bai DBHkoak, bai Batxilergokoak eta Lanbide Heziketakoak. Gainera, material berria partekatzeko aukera ere badago.

Iturria: ESSCOOP