Azaroaren 15ean eta 16an Enpleguaren IV. Kongresua egin da Gasteizen, “Enplegu inklusiboa eta kalitatezkoa kontratu sozial berri baterako” lelopean, Eusko Jaurlaritzako Lan eta Enplegu Sailaren eta Lanbide-Euskal Enplegu Zerbitzuaren eskutik.
Jardunaldietan zehar, Euskadiko enpleguaren orainari eta etorkizunari eragiten dioten hainbat gairi buruzko hitzaldiak eta eztabaida-mahaiak entzuteko aukera izan dugu
- Kalitatezko enplegu inklusiborako bideak eta estrategiak
- Covid osteko egoera eta enplegua berreskuratzea: eragina eta erronkak
- Eraldaketa eta trantsizio digital eta teknologikoa, ekologikoa eta demografikoa
- Berrikuntza Enplegu Politiketan
- Euskal Enplegu Sistemaren Lege Proiektua
- Enplegua 2050. urtean
Kongresuak eragile publiko, pribatu, sozial eta akademikoek elkarrekin hausnartu, eztabaidatu eta ikasi ahal izan dugun topagunea eskaini du. Euskadin kalitatezko enplegu inklusibo baten alde lan egiten jarraitzeko.
Iturria: Gizatea